www.iminoulaoune.ll.ma
مرحبا بك عزيزي الزائرفي منتدى امي نولاون : المنتدى الاول في العالم الخاص بمنطقة امي نولاون
المرجوا منك أن تعرّف بنفسك و تدخل المنتدى معنا.اذا كان لديك حساب نرجو منك أن تفعله من خلال بريدك الاليكتروني إن لم يكن لديك حساب بعد, نتشرف بدعوتك لإنشائه
امي نولاون من أروع خلق الله
المواضيع الأخيرة
» الى كل الرياضيين بامي نولاون
الإثنين 4 أبريل 2016 - 21:16 من طرف Medaine

» صور نادرة لفرق أحواش و روايس امغران
الأحد 3 أبريل 2016 - 13:11 من طرف كوكب امي نولاون

» دعوة شباب امغران للمشاركة في منتدى امي نولاون
الأحد 3 أبريل 2016 - 12:56 من طرف Medaine

» نور على نور بامي نولاون
الأربعاء 10 فبراير 2016 - 22:12 من طرف كوكب امي نولاون

» غسات مفخرة المغرب
الأربعاء 10 فبراير 2016 - 22:04 من طرف كوكب امي نولاون

» حملة للمطالبة بزيارة ملكية لمنطقة إمغران ورزازات .
الأربعاء 10 فبراير 2016 - 21:30 من طرف كوكب امي نولاون

» الأمازيغية بين القضية والهوية
الثلاثاء 10 ديسمبر 2013 - 20:10 من طرف saaad mohamed najib

» التعريف بدوار تمزريت ايت عفان
الثلاثاء 10 ديسمبر 2013 - 20:03 من طرف saaad mohamed najib

» امغران على موعد مع مهرجان اللوز والجوز في نسخته الاولى
الثلاثاء 10 ديسمبر 2013 - 19:58 من طرف saaad mohamed najib

» ضوء مجهول المصدر يزرع الرعب بين سكان قرية إمغران
الثلاثاء 10 ديسمبر 2013 - 19:53 من طرف saaad mohamed najib

مكتبة الصور


سبتمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 

اليومية اليومية

المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

[ مُعاينة اللائحة بأكملها ]


أكبر عدد للأعضاء المتواجدين في هذا المنتدى في نفس الوقت كان 35 بتاريخ الخميس 11 مايو 2017 - 23:28
بحـث
 
 

نتائج البحث
 


Rechercher بحث متقدم


جرحتني ورحت عني وياحظك نسيـت

استعرض الموضوع السابق استعرض الموضوع التالي اذهب الى الأسفل

جرحتني ورحت عني وياحظك نسيـت

مُساهمة من طرف mohamed ouhsain في السبت 10 سبتمبر 2011 - 16:50

جرحتني ورحت عني وياحظك نسيـت جرحتني وجرحـك الين الحين يبكينـي

خلاص رحت عني يعني خلاص مليـت؟ خلاص ماتفكر فينـي خلاص ماتبينـي؟



ماتوقعت أنجرح وأستاهل اللي عطيـت ماتوقعت يهـون عليك عذابي وأنينـي

ماتوقعت اني أنجرح منك وما هجيـت ولا توقعت يجـي منك شي مايرضينـي



خساره خاب فيك ظنـي اللي ظنيـت وماتت ثقتي بكل الناس اللي حولينـي

ليه غير الكذب و الوهم منك مالقيـت ليه تظلمني وأنا أهديتك صادق حنينـي



رويتك حبي وغير جرحك ما ارتويـت صدقت معك بس ليه بكذبك تجازينـي

أنا وفيت و أنت لعبت فيني و تسليـت وماعمري توقعت انك بتخيب ظنينـي



بعت كل الناس وغيـرك ما اشتريـت وأنت بعتني وخليتهـم يتشمتوا فينـي

أنا عشقتك بجنـون وغيرك ما حبيـت وأنت ماحبيت غير نفسك يامشقينـي



أنت اللي اخترت البعد وعني صديـت وجرحتني وجرحك الين الحين يبكينـي

ومن جرحك بكيت وأنت ماحسيـت ومن كثر البكا دمـوع عيني تشكينـي



وصلت للمووت وأنت عني مادريـت ولا حتى فكرت ياظالم تسأل عني وينـي

خلاص أنا من جروحك والله انتهيـت ومن جروحك كرهت أيامي و سنينـي



اخترتك و أنا أعترف اني والله خطيـت وندمان بس وايش يفيد الندم ياعينـي

يا للأسف قتلت حلمـي اللي تمنيـت وما صرت الحبيب اللي تمنيته يخاوينـي



والله ماني مصدق كأني بحلم وصحيـت معقولـه تجرحني ومن جرحك تدمينـي

بس ربنا موجود وأنـا والله ما نسيـت انـه من مرض جرحك راح يشفينـي

mohamed ouhsain

رسالة sms رسالة sms : تواصل معنا و قم ببناء المنتدى بنفسك نحن بامس الحاجة اليك
عدد المساهمات : 20
نقاط : 22240
تاريخ التسجيل : 24/08/2011

الرجوع الى أعلى الصفحة اذهب الى الأسفل

رد: جرحتني ورحت عني وياحظك نسيـت

مُساهمة من طرف mohamed ouhsain في السبت 10 سبتمبر 2011 - 16:51

والله مـا أدري كيف أبـدأ و أتكلـم أحـس اللـي صـار فيني شي كبيـر

جرحـك خلاني أسكت مثل الأبكـم جرحـك صدمه وشلّت فيني التفكيـر



كنت منيتـي وكنت دايم فيك أحلـم وكنت جناحي و كنت دايم بك أطيـر

كنت من قلبـي أغـليك والله يعلـم ماكان لك الا كل احتـرام و تقديـر



واليوم صـرت أذكرك و أبكي و أتألـم وصار وصف جرحك أكبر من التعبيـر

كنت أعلمك الوفا وكنت مني تتعلـم وعلمتك الشـوق و أنواع الحب المثيـر



وللأسف علمتني كيف أجرح و أظلـم و علمتني ان الجـرح أنواعـه كثيـر

والله ما أدري أسـكـت و الا أتكلـم أحس اللي جـاني منـك شي كبيـر



لو جات من غيرك ماكنت راح أهتـم والمشكله ماجا من غيرك الا كل خيـر

حسيت ان حبك لـي وهم في وهـم وماعرفت هذا الشي الا فـي الأخيـر



استغنيت عنـي و زوّدت فينـي الهـم وخليتني بين قضبـان جرحـك أسيـر

مقهـور على صدقي أكثـر من الألـم مقهـور على قلبـي الطيـّب الكبيـر



و ماتوقعت أستاهل كـل هذا الألـم ولا توقعت هـذا الشـي منك يصيـر

والله ما أعرف في ايـش كنت أتكلـم بس اللي جانـي منـك والله كبيـر


mohamed ouhsain

رسالة sms رسالة sms : تواصل معنا و قم ببناء المنتدى بنفسك نحن بامس الحاجة اليك
عدد المساهمات : 20
نقاط : 22240
تاريخ التسجيل : 24/08/2011

الرجوع الى أعلى الصفحة اذهب الى الأسفل

رد: جرحتني ورحت عني وياحظك نسيـت

مُساهمة من طرف mohamed ouhsain في السبت 10 سبتمبر 2011 - 16:54

متى يرجـع تعبت كفـايه تعبت وطـالت الحكـايه

مـا فيني أصبـر للنهـايه تكفون ياناس ساعدونـي



تكفون يانـاس ساعدونـي والله الموت أشوفه بعيونـي

والله فراقه شي جنونــي مو قادر ياناس الحقونـي



شـاب شعــر راســي و مـات فيني احساسـي

توقفت كامـل أنفاســي وروحي عايشه بدونــي



الكل شايفنـي أعانــي وحاسين فيه شي خذانـي

ايوالله الغالي راح و خلانـي راحت بعده كل شجونـي



راح ونسى قلبي وهــواه وحرمني وداعه ولقـــاه

ياناس بالله كيف أنســاه أعطوني حل ريحــونـي



كيف أنسى حبيب الروح كيف أنسى وفيني جـروح

كيف أنسى بسهوله وأروح بالله ياناس كيف علمونـي



اشلون أنسـى أول حبيب كيف أتحمل جرحي العطيب

والا خـلاص مالنا نصيب قولوا لي ياناس فهمونـي



ليه هانت عليه أحلى ليـالي ليه مافكر في حاله وحـالي

ليه سرق قلبي وأخذ بـالي تكفون ياناس ساعدونـي

mohamed ouhsain

رسالة sms رسالة sms : تواصل معنا و قم ببناء المنتدى بنفسك نحن بامس الحاجة اليك
عدد المساهمات : 20
نقاط : 22240
تاريخ التسجيل : 24/08/2011

الرجوع الى أعلى الصفحة اذهب الى الأسفل

رد: جرحتني ورحت عني وياحظك نسيـت

مُساهمة من طرف mohamed ouhsain في السبت 10 سبتمبر 2011 - 16:56

مـثـل ماتوقعت انك راح ترجعين و مثل مـاقلت لك غـيري مابتلقين

يـا خسـاره ماحسيتي ولا بتحسين بس يـاللأسف رجـعتي متأخـره



كنـت أترجـى ترجعي و ترديـن كنت أتمنى بحبي وغـرامي تخـلصين

كنت أحـلـم مثل حبي تحبــين بس يـا للأسف كـنتي مستهتـره



كنتي شايفه نفسـك علـي بالزين كنتي تقولي مافي شي فيكـي شين

كنتي تقولي مافـي مِنِّك أبـد اثنين كنتي شايفه نفسك و دايم متكبـره



ليه الحـب جمال مثل ماتتصوريـن الحب جوهـر مثل الحديد مايليـن

الحب تـضحيـه ياللي ماتضحيـن علمتك الحب ياخسـاره مو مقدره



علمتك اشلون في الحب تبديــن علمتك اشلون تحبين وكيف تعشقين

مو هذا اللي علمتـك والا ماتذكرين أنا أذكرك اذا انتي مـو متذكـره



ياللأسف تعلمت منك كيف تخدعين تعلمت لـو بكاني الجرح تضحكين

علمتيني كيف تشتري بالناس وتبيعين عندك دروس في الجراح والله متمكنه



عشاني مسكين مالقيتي غيري تجرحين عالأقل قدري اخلاصي وعشرة سنين

معقوله لهالدرجه قاسيه وقلبك مايلين أسألك بالله انتي راضيه والا متندمـه



كنتي تجرحي وماتفكري ولا تباليـن كنتي تغيبي و ماتسألين عني ولا تهتمين

بعد كل اللي سويتيـه ايش تتوقعين أداوي طعونك وانتي بجروحك مستمره



عيبك ماتحكـي ظروفك ولاتتكلمين بالله لو انتـي مكاني و ايـش بتقولين

أكيد بتقولين هـان عليه الحنيـن الجرح وعذابه مين فينا يقـدر يتحمله



كنت أقول مستحيل عني تتخلـين كنت أصدق لو تقسميـن و تحلفـين

ماتوقعـت انك تخدعيـن وتلعبـين ياخساره كنتي بكذبك علي متسليـه



ماتوقعت انك بيوم راح تغدريـن ماتوقعت انك في لحظه راح تنسـين

ماتوقعت انك بغيري أبد تفكريـن ماتوقعت في يوم تكوني علي متغـيره



خساره مـا وفيتي ولا راح توفيـن خساره مافهمتيني ولا راح تفهمـين

خساره بعتيني ومـافكرتي تكسبين استعجلتي في قـرارك يا المتهـوره



و اليوم أصابع الندامه راح تعضـين و بتبكـي دم على ماكنتي تسوين

عذبتيني واليـوم بفراقي بتتعذبـين خساره على راحتـي كنتي مستكثره



كنـت أحبـك بجنون اذا تذكـرين و أبوس المكان اللي عليـه تمشيـن

كنت مخدوع أنـا و قلبي المسكيـن وكنتي بـفرحـي وحزني متحكّمـه



بس الحمدلله بانت كـل العناويـين وبدم جرحـي كتبت على الدواويين

*السـن بالسـن والعيـن بالعين* جزاكي على رب العالمين ياالمتسلّطه



خسرتيني و مدري كيف راح تعيشين يمكن من تأنيب الضمير راح تموتين

انتي السبب وانتي اللـي راح تنلامين لانك لعبتي فيني وصرتي علي متشطره



يعنـي بسهوله راح أرجع تتوقعـين وانتي بكل بساطـه جايـه تعتذرين

يعنـي ايش أنا لعبه عندك فيها تلعبين تعوفيـها أو تتركيها اذا انتي متمللـه



عطيتك فرصه يمكن تتواضعين وتحنين عطيتك وقت يمكن من غرورك تتبرين

صبرت وصبرت بس للأسف ماتحسين ياخسـاره كنتي أبد فيني مو مفكـره



صرت أهوجس وحالي صاير حزيـن مره أقول تحبيني ومره أقول تكرهـين

ومره أقول ظروفك أو الشيطان اللعين ومره أقول يمكن بحبها صارت متمننه



تأخرتي الين مات فيني الشوق والحنين تأخرتي الين احترق صوتي وصار أنين

تعبت وتعبت بس للأسف ماتدريـن للأسف كنتـي عـن حبي مستغنيه



الحب باقي والجرح باقي الين الحيـن والغلا مثل ماهو ويمكن زاد مرتيـن

بس مـا أقـدر أرجع و لا تحاولين لو تلاقي غيري بتروحي يـاالمستكفيه



سامحيني هذا اللي بقلبي لـو تسمحين أدري من قسوتك يمكن علي تحقدين

يالله ماعاد يهمني تحطين والا تشيلين الجبروت لله و ياللأسف انتي متجبره



كيف نرجع واحنا على بعض شايلين أنا مابـجي أصالحك حتى لو تجـين

خلينا كذا أحسن عن بعض بعيدين والأيـام راح تمسح الجرح وتصغـره



خلاص قربت أنسى ومصيرك تنسين وخلاص انتهى كل شي ولا تترجين

يالله عن اذنك انـا استأذنك الحين والله يصبـرك على من خسرتي م

mohamed ouhsain

رسالة sms رسالة sms : تواصل معنا و قم ببناء المنتدى بنفسك نحن بامس الحاجة اليك
عدد المساهمات : 20
نقاط : 22240
تاريخ التسجيل : 24/08/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى